ნინოწმინდის მუნიციპალიტეტის სოფელ ეშტიის N2 საჯარო სკოლაში კომპლექსური დავალებებით სწავლება წარმატებით მიმდინარეობს.
შემოქმედებითი დავალებები მოსწავლეებში დიდ ინტერესს იწვევს და მათი აქტიური ჩართულობით გამოირჩევა. განსაკუთრებით აღსანიშნავია, მე-5 კლასის მოსწავლეთა კომპლექსური დავალება თემაზე - „დადიანების სასახლე სამეგრელოში“, რომელიც საგნის - „ჩვენი საქართველო“ შესწავლისას შეასრულეს.
დავალება მოსწავლეებისთვის განსაკუთრებით წარმტაცი და თავშესაქცევი აღმოჩნდა. დავალების ფარგლებში „საშობაო მეჯლისი“ გაიმართა. მოსწავლეებმა დადიანების მუზეუმის ტრადიციული საშობაო მეჯლისის ატმოსფერო გააცოცხლეს და ზღაპრული სანახაობა გამართეს.
დიდებულად შემოსილი მოსწავლეები სასკოლო საზოგადოების წინაშე შთამბეჭდავად წარდგნენ და სამეჯლისო ცეკვები შეასრულეს.
იხილეთ ვიდეო:
