თბილისის N89 საჯარო სკოლის მოსწავლეები გარემოს დაცვის სადარაჯოზე
09-01-2024
თბილისის N89 საჯარო სკოლაში მოსწავლეთა ეკოცნობიერების ამაღლებას მნიშვნელოვანი ყურადღება ექცევა. სწორედ ამიტომ, ბავშვები სხვადასხვა გარემოსდაცვით აქტივობებში დიდი მონდომებით ერთვებიან.
ერთ-ერთი ასეთი აქტივობა იყო გამწვანების აქცია, რომელშიც მოსწავლეები მონაწილეობდნენ. აღნიშნული აქცია თბილისის N103 საჯარო სკოლაში ჩატარდა.
აღსანიშნავია, რომ N103 სკოლამ N89 საჯარო სკოლის XI ა კლასისგან საჩუქრად კავკასიური სოჭის და ციმბირული ლარიქსის ნერგები მიიღო.
„ნერგები ორივე სკოლის ადმინისტრაციის, მასწავლებლებისა და მოსწავლეების უშუალო ჩართულობით, მეგობრობის, მხარდაჭერისა და მომავალი თანამშრომლობის ნიშნად დაირგო“, - გვიყვებიან სკოლაში.
მსგავსი აქტივობები მოსწავლეთა მრავალმხრივ განვითარებას უწყობს ხელს.
იხილეთ ფოტოები:
სკოლების სიახლეები
