ლაგოდეხის მუნიციპალიტეტის სოფელ მაწიმის საჯარო სკოლაში, სასწავლო წლის განმავლობაში, არაერთი აქტივობა იმართება. პროფესიონალი პედაგოგები კი მათ მრავალმხრივ განვითარებაზე, მათ შორის, სოციალური პასუხისმგებლობის ჩამოყალიბებაზე ზრუნავენ. 

ლაგოდეხის ცენტრალურ სკვერში, მთავრობის ადმინისტრაციის ორგანიზებით, გაიმართა საახალწლო ღონისძიება. მაწიმის საჯარო სკოლის „მეწარმეობის ლაბორატორიის“ ფასილიტატორების - მარიამ მაისურაძის, ნატო ჯავახიასა და ქეთევან ტალახაძის ორგანიზებით, ერთ-ერთ პავილიონში ხელნაკეთი ნივთების (ქეთევან კორაშვილის შექმნილი) და მოსწავლეთა ნახატების გამოფენა-გაყიდვა მოეწყო.

შემოსული თანხით, სოციალურად დაუცველი მოსწავლის ოჯახისთვის, საახალწლოდ ტკბილეული, თბილი სამოსი და საკვები შეიძინეს. სკოლის დირექტორი მაია ფრიდონიშვილი და კლუბის წევრი მოსწავლეები ოჯახს ეწვივნენ და საჩუქრები გადასცეს.