ქუთაისის N40 საჯარო სკოლაში, სასწავლო წლის განმავლობაში არაერთი საინტერესო და მოსწავლეთა ცოდნის გაღრმავებაზე ორიენტირებული გაკვეთილი ტარდება.
ერთ-ერთი ასეთი საინტერესო ბიოლოგიის გაკვეთილი მე-8 ა კლასში, პედაგოგ სოფიო გველესიანის ხელმძღვანელობით განხორციელდა, სადაც მოსწავლეებმა ექსპერიმენტი ჩაატარეს.
ფაქტობრივი ცოდნის ზრდა მათ დაუკავშირეს თემის შინაარსიდან გამომდინარე ექსპერიმენტსა და კვლევის დაგეგმვა-განხორციელებას.
„ეს ზრდის სასწავლო პროცესში მოსწავლეთა ჩართულობას და დადებითად მოქმედებს მათ მოტივაციაზე“, - აღნიშნავენ სკოლაში.
კვლევის მიზანი იყო, მოსწავლეებს დაედგინათ, თუ რა ანიჭებს ძვალს ელასტიურობასა და სიმტკიცეს.
კვლევის საფუძველზე, მოსწავლეებს შესაძლებლობა მიეცათ უკეთ გაეაზრებინათ:
- ძვლოვანი ქსოვილის შემადგენლობა;
- თუ რა ძირითად ფუნქციებს ასრულებს ძვლოვანი სისტემა;
- რა შეიცვლება ორგანიზმში, თუ ორგანული და არაორგანული ნაწილი ძალიან შემცირდება ძვლებში;
- როგორი თანაფარდობა იქნება ორგანულ და არაორგანულ ნივთიერებებს შორის ბავშვის ორგანიზმში;
- რა იწვევს ძვლების ხშირ მოტეხილობას ასაკოვან ადამიანებში;
- რა მნიშვნელობა აქვს კვების რაციონს, განსაკუთრებით ფეხმძიმეებსა და ბავშვებში.
მოსწავლეებმა იმსჯელეს, როგორ შეიცვალა ნიმუშები (ძვლის მოდელი) ექსპერიმენტის შემდეგ. შედეგებზე დაყრდნობით გააკეთეს შესაბამისი დასკვნა.
„მიღებულ ინფორმაციას აუცილებლად გამოიყენებენ ყოველდღიურობაში“, - აღნიშნავენ სკოლაში.
იხილეთ ფოტოები:
