ქუთაისის N40 საჯარო სკოლაში სასწავლო წელი საინტერესო და მრავალფეროვანი აქტივობებითაა დატვირთული, რომლებშიც მოსწავლეები დიდი მონდომებით ერთვებიან.
ერთ-ერთი ასეთი საინტერესო აქტივობებით გაჯერებული გაკვეთილი მე-9 გ კლასში, ქართულ ენასა და ლიტერატურაში, პედაგოგმა - მაია ნიკოლაძემ ჩაატარა. გაკვეთილი კომპლექსურ დავალებას მოიცავდა და უკავშირდებოდა ილია ჭავჭავაძის მოთხრობას „სარჩობელაზედ“.
გაკვეთილზე, მოსწავლეებმა ნაწარმოების მთავარი სათქმელის გააზრებისა და გაანალიზების შემდეგ, შექმნეს სტატიები თემაზე - „უსამართლობა და სასჯელი“.
„მათ კლასში წარმოადგინეს თავიანთი ნააზრევი, მოიშველიეს მაგალითები (გ.ჩოხელის - „თევზის წერილები“) დასვეს შეკითხვები, იმსჯელეს, პედაგოგთან ერთად გამართეს დისკუსია საკამათო თემაზე“, - გვიყვებიან სკოლაში.
აქტივობებში ბავშვები დიდი ინტერესითა და ენთუზიაზმით მონაწილეობდნენ.
გაკვეთილმა საინტერესოდ და წარმატებულად ჩაიარა.
იხილეთ ფოტოები:
