ადიგენის მუნიციპალიტეტის სოფელ ბენარის საჯარო სკოლისა და მასთან შერწყმული შოლავერის საჯარო სკოლის მოსწავლეებმა მასწავლებლებს, მშობლებსა და თანასკოლელებს დიდი ზარ-ზეიმით მიულოცეს დამდეგი შობა-ახალი წელი.
მოსწავლეები დამსწრე საზოგადოების წინაშე მრავალფეროვანი საზეიმო პროგრამით წარდგნენ - შეასრულეს მუსიკალური ნომრები, მხატვრულად წაიკითხეს ლექსები და სხვადასხვა სახალისო აქტივობაში ჩაერთნენ.
მოსწავლეებმა ერთმანეთსა და დამსწრე საზოგადოებას ჯადოსნური საახალწლო განწყობა და დაუვიწყარი ემოციები აჩუქეს.
სკოლის დირექტორმა, ნინო ფორჩხიძემ მოსწავლეები წინასაახწლოდ დაასაჩუქრა, რისთვისაც სასკოლო საზოგადოება მას მადლობას უხდის.
„მადლობა სკოლის დირექტორს, ქალბატონ ნინო ფორჩხიძეს, მოსწავლეების გახარებისთვის, თითოეულ მოსწავლეს გადასცა საახალწლო საჩუქრები“,- გვეუბნებიან სკოლაში.
აღსანიშნავია, რომ ბენარის საჯარო სკოლაში მოსწავლეთა ინტერესებს მორგებული სასწავლო პროცესია შექმნილი, დირექცია და პედაგოგები მოსწავლეთა მოივაციასა და განწყობის ამაღლებაზე აქტიურად ზრუნავენ.
იხილეთ ფოტოები:
