შუახევის მუნიციპალიტეტის ოლადაურის საჯარო სკოლის თეატრალური დასის - „ოლადა“ წევრები სხვადასხვა კონკურსსა და ფესტივალში აქტიურად ერთვებიან, სადაც წარმატებას აღწევენ.

ამჯერად, დასის წევრები ბათუმში გამართულ საყმაწვილო სასკოლო თეატრალური დასების ფესტივალში მონაწილეობდნენ. ისინი მაყურებლის წინაში სპექტაკლით - „ქეთევან წამებული“ წარდგნენ, რისთვისაც დიპლომებით დაჯილდოვდნენ.

მათ ნომინაციაში - „გამორჩეული სპექტაკლი“ პრიზიც მოიგეს და სკოლა ასახელეს. აღსანიშნავია, რომ დასის ხელმძღვანელი ჟუჟუნა მაკარაძე გახლავთ.

მოსწავლეთა წარმატებას სკოლაში მუდამ მხარს უჭერენ.

იხილეთ ფოტოები: