თელავის მუნიციპალიტეტის სოფელ ყარაჯალის საჯარო სკოლაში მოსწავლეთა მოტივირებასა და განწყობაზე ზრუნავენ.

ამჯერად, სკოლაში საახალწლო განწყობა და სამზადისია - აციმციმებულია დერეფნები და კლასები. გაიმართა თემატური აქტივობებიც. მათ შორის, მოეწყო მოსწავლეთა ნამუშევრების გამოფენა-გაყიდვა.

როგორც სკოლაში ამბობენ, ღონისძიებებში დაწყებითი კლასების მშობლების ჩართულობა, ამასთანავე, მოსწავლეთა ნამუშევრების გამოფენა-გაყიდვა, მათ შორის სსსმ მოსწავლეების ნამუშევრების, მხიარული გარემო და ბავშვების გაბრწყინებული თვალები, პოზიტიური მომავლის იმედს ქმნის.