ნინოწმინდის მუნიციპალიტეტის სოფელ გორელოვკის N3 საჯარო სკოლაში საგანმანათლებლო პროექტის შემაჯამებელი ღონისძიება ჩატარდა.
პროექტი აერთიანებდა ოთხ სკოლას - ნინოწმინდის მუნიციპალიტეტის სოფელ უჩმანის, გორელოვკის N3, გორელოვკის N1 და ნინოწმინდის N4 საჯარო სკოლებს.
პროექტის ფარგლებში, მოსწავლეებმა მოიძიეს ინფორმაცია სხვადასხვა ქვეყნისა და თავიანთი ეთნოსის, ახალი წლის ტრადიციისა და წეს-ჩვეულების შესახებ, შექმნეს პრეზენტაციები და სკოლაში წარადგინეს.
როგორც სკოლაში გვიყვებიან, მოსწავლეებმა მოკვლეული და გაანალიზებული ინფორმაციის შედეგები მრავალფეროვანი და საინტერესო პრეზენტაციებით გაუზიარეს თანატოლებს ინგლისურსა და ქართულ ენაზე.
სკოლის წარმომადგენლის თქმით, პროექტი იმითაც იყო განსაკუთრებული, რომ მონაწილეები სხვადასხვა ეთნიკურ ჯგუფს წარმოადგენდნენ (ქართველები, სომხები, დოხობურები).
პროექტის მონაწილეებს გადაეცათ სიგელები.
შემაჯამებელი ღონისძიება დასრულდა ტკბილეულის დაგემოვნებით და ნაციონალური ცეკვების შესრულებით.
ღონისძიებას ორგანიზება გაუწიეს - მარიამ ჯვარიძემ, თამრიკო ჩარკვიანმა და ლია გოგოლაძემ.
იხილეთ ფოტოები:
