ჯიმითის საჯარო სკოლაში, მოსწავლეთა თვითმმართველობის ინიციატივით, საახალწლო ღონისძიება გაიმართა
26-12-2023
გურჯაანის მუნიციპალიტეტის სოფელ ჯიმითის საჯარო სკოლაში დამდეგი შობა-ახალი წელი იზეიმეს.
ბავშვებმა, მოსწავლეთა თვითმმართველობის ინიციატივითა და ჩართულობით, ღონისძიება გამართეს.
ჯადოსნური საახალწლო განწყობა, მხიარული მოსწავლეები და მათ განწყობასა და მოტივაციაზე მზრუნველი მასწავლებლები - ასეთი გარემოა შექმნილი წინასაახალწლოდ ჯიმითის საჯარო სკოლაში.
მოსწავლეებმა დრო სასიამოვნოდ გაატარეს და 2024 წელს ახალი შემართებითა და ზღვა ენერგიით ხვდებიან.
სკოლაში დამდეგ შობა-ახალ წელს ყველას ულოცავენ და საუკეთესო სურვილებს უსურვებენ.
„მშვიდობიანი, ფეხბედნიერი, ბარაქიანი და წარმატებებით აღსავსე ყოფილიყოს ახალი, 2024 წელი სრულიად საქართველოსა და მსოფლიოსათვის!“,- აღნიშნავენ სკოლაში.
იხილეთ ფოტოები:
სკოლების სიახლეები
