ნინოწმინდის მუნიციპალიტეტის სოფელ განძის N2 საჯარო სკოლაში მოსწავლეთა ინტერესებზე მორგებული გარემოა შექმნილი, მასწავლებლები მათ არაერთ საინტერესო აქტივობას სთავაზობენ. 

ისინი, სხვადასხვა მიმართულებით, მოსწავლეთა ცნობიერების ამაღლებაზე ზრუნავენ. სწორედ ამ მიზნით, შიდსთან ბრძოლის საერთაშორისო დღესთან დაკავშირებით აქტივობა გაიმართა.

მე-11 კლასის მოსწავლეებმა, ბიოლოგიის გაკვეთილზე, თემატური პლაკატი და პრეზენტაცია მოამზადეს, რომელთა თემაც იყო - რა არის შიდსი და როგორ ავიცილოთ იგი თავიდან.

მოსწავლეებს ბიოლოგიის მასწავლებელი - შ. ჯანამიანი ხელმძღვანელობდა.