ლაგოდეხის მუნიციპალიტეტის სოფელ ვარდისუბნის საჯარო სკოლის XI კლასის მოსწავლეებმა ალექსანდრე ჭავჭავაძის ლიტერატურული სალონის ატმოსფერო გააცოცხლეს.
ღონისძიება - „ლიტერატურას შეფარებული ერი“ შთამბეჭდავად წარიმართა.
ღონისძიების მომზადებაში აქტიურად იყო ჩართული სასკოლო საზოგადოების ყველა წევრი, ღონისძიების ორგანიზატორი გახლდათ, ამავე სკოლის ქართული ენისა და ლიტერატურის პედაგოგი ელიზა კვინიკაძე.
ინტერიერი ნამდვილად დაგაბრუნებდათ XIX საუკუნეში, სალონში, სადაც მაშინდელი საზოგადოება „თავს აფარებდა“.
მოსწავლეებმა წარმოადგინეს ქართველ რომანტიკოსთა პოეზიის ნიმუშები, წაიკითხეს ალექსანდრე ჭავჭავაძის, გრიგოლ ორბელიანისა და ნიკოლოზ ბარათაშვილის ლექსები, მისი პირადი წერილები, ასევე დამსწრე საზოგადოებას გააცნეს მათი ბიოგრაფიები.
მოსწავლეებმა გამოავლინეს მაღალი შემოქმედებითი უნარები, რამაც დიდი შთაბეჭდილება მოახდინა მსმენელზე.
იხილეთ ფოტოები:
