ტყიბულის N6 სკოლის VIII კლასის მოსწავლე ბადრი ბოჭორიშვილი კუნგ-ფუში, იმერეთის პირველობის გამარჯვებულია
22-12-2023
ტყიბულის N6 საჯარო სკოლაში არაერთი წარმატებული მოსწავლე სწავლობს, რომელთა წინსვლას დირექცია საზოგადოებას დიდი სიხარულითა და სიამაყით უზიარებს.
ამჯერად სკოლაში VIIIა კლასის მოსწავლის - ბადრი ბოჭორიშვილის წარმატებას აღნიშნავენ.
ბადრი ბოჭორიშვილმა (მწვრთნელი ოლეგ - ფანჩულიძე, დამრიგებელი - ცირა კუბლაშვილი) წარმატებით იასპარეზა ტყიბულში გამართულ გელა გიორგაძის ხსოვნისადმი მიძღვნილ იმერეთის პირველობაზე კუნგ-ფუში.
მან შეჯიბრებაზე პირველი ადგილი მოიპოვა და შესაბამისი ხარისხის მედლითა და დიპლომით დაჯილდოვდა.
სკოლაში მოსწავლეს წარმატებას ულოცავენ და ახალი მწვერვალების დაპყრობას უსურვებენ.
იხილეთ ფოტო:
სკოლების სიახლეები
