ბათუმის N8 საჯარო სკოლაში, სასწავლო წლის განმავლობაში, არაერთი საინტერესო და გამორჩეული აქტივობა ეწყობა. 

ამჯერად, პედაგოგების - ცისანა კლდიაშვილისა და ლია თოდრიას სადამრიგებლო მე-4^ა და მე-4^თ კლასის მოსწავლეებმა ინგლისურის გაკვეთილზე მინი ღონისძიება - „ჩვენი ახალი წელი“ მოაწყვეს. გაკვეთილს ინგლისური ენის მასწავლებელი ნანა მალამაძე უძღვებოდა.

მოსწავლეებმა ლექსები და სიმღერები ინგლისურად ისწავლეს, გარდა ამისა, მისალოცი ბარათები მოამზადეს და მსმენელს დამდეგი შობა-ახალი წელი ინგლისურ ენაზე მიულოცეს. როგორც სკოლაში ამბობენ, მოსწავლეები ღონისძიებაში აქტიურად ჩაერთნენ და შესაძლებლობები გამოავლინეს. 

სკოლაში მოსწავლეთა ინტერესებზე მორგებული გარემოა შექმნილი.