ბათუმის N5 და ოზურგეთის N4 საჯარო სკოლების მე-3 კლასის მოსწავლეებმა სოციალური პროექტი განახორციელეს.
პროექტის სახელია - „იყავი ჩემი ელფი“. იდეის ავტორი და ხელმძღვანელი კი ბათუმის N5 საჯარო სკოლის სპეციალური მასწავლებელი თამთა თალაკვაძე გახლავთ.
პროექტი განხორციელდა კლასის ხელმძღვანელების - ხათუნა თედორაძისა და თეონა თალაკვაძის, ქართული ენისა და ლიტერატურის მასწავლებლის - ლელა ლომთაძის თანადგომით.
საახალწლო პროექტის ამოცანა იყო საქართველოს სხვადასხვა კუთხის მოსწავლეებს გაეცვალათ საახალწლო ბარათები და ხელნაკეთი საახალწლო სუვენირები.
პროექტის მიზანია სოციო-ემოციური სწავლება, საკუთარი ემოციების გაცნობიერება, სოციალური ცნობიერება- განსხვავებული ადათ-წესებისა და შეხედულებების მიღება, ემპათია, სკოლისა და საზოგადოების შეცნობა და მხარდაჭერა, ურთიერთობის უნარების გაუმჯობესება - ჯანსაღი ურთიერთობების დამყარება, პასუხისმგებლობაზე დამყარებული გადაწყვეტილების მიღება.
როგორც პედაგოგი თამთა თალაკვაძე გვეუბნება, პროექტის საბოლოო შედეგმა ყოველგვარ მოლოდინს გადააჭარბა.
იხილეთ ფოტო:
