წალენჯიხის მუნიციპალიტეტის საჩინოს თემის N2 საჯარო სკოლის პედაგოგები მოსწავლეთა კულტურულ განვითარებაზე აქტიურად ზრუნავენ და მათ საინტერესო აქტივობებს სთავაზობენ.
ამჯერად, დაწყებითი საფეხურის მოსწავლეები, მშობლები და მასწავლებლები სენაკის აკაკი ხორავას სახელობის თეატრში ზღაპრის - „მაკნატუნას“ მიხედვით დადგმულ სპექტაკლს დაესწრნენ. მათ თეატრში, როგორც სკოლაში გვიყვებიან, საოცარი, სადღესასწაულო გარემო დახვდათ.
თეატრში წასვლამდე მასწავლებლებმა მოსწავლეებს ზღაპარი წაუკითხეს, შემდგომ პერსონაჟების შესახებ კლასში დისკუსია მოაწყვეს, ბოლო კი მაკნატუნა დახატეს.
სპექტაკლით ყველა ასაკის მაყურებელი აღფრთოვანებული დარჩა და იგეგმება, რომ ბავშვები მომავალში სპექტაკლებს რეგულარულად დაესწრნონ.
აქტივობები არაფორმალურ გარემოში და მათში მშობლების ჩართულობა მოსწავლეებს ეხმარება ფანტაზიის, დამოუკიდებლობის, გააზრების, დაკვირვებისა და სხვა უნარების განვითარებაში.
იხილეთ ფოტო-ვიდეომასალა:
