მალხაზ აბაშიძის სახელობის ხონის მუნიციპალიტეტის სოფელ ჩაის მეურნეობის საჯარო სკოლა 2023 წელს წარმატებით ასრულებს.
2023 სკოლისთვის განსაკუთრებული წელია, სკოლას რეაბილიტაცია ჩაუტარდა, ახალი სასწავლო წელი მოსწავლე-მასწავლებლებმა თანამედროვე სტანდარტებით აღჭურვილ სკოლაში დაიწყეს.
მოტივირებული მოსწავლე-მასწავლებლები ახალ გამოწვევებს წარმატებით უმკლავდებიან და სკოლის სასახელოდ არაერთ წარმატებას აღწევენ
სკოლის ნაყოფიერ 2023 წელს ჩვენთან ქართული ენისა და ლიტერატურის პედაგოგი ირინე კუჭავა აჯამებს.
„ჩაის მეურნეობის საჯარო სკოლის კიდევ ერთი ახალი წელიწადი!!
„აჰა, კიდევ ერთი ახალი წელიწადი... რა მივულოცოთ ჩვენს თავს? რა გვაქვს დღეს სასურველი და ხვალ სანატრელი? ახლო ხანებში რა გვრჩება რომ თავი მოვიწონოთ?“ მართლაც, მოსაწონებელი და სანატრელიც ბევრი გვაქვს. ჩაის მეურნეობის საჯარო სკოლის მოსწავლე-მასწავლებელთა ნატვრა-ოცნება ახდა. ჩვენ თანამედროვე სტანდარტებით აღჭურვილ სკოლაში შევუდექით ახალ სასწავლო წელს.
დადგა დღე სიხარულისა! რა გითხრათ,რით გაგახაროთ?
სათქმელი და გასახარებელი ბევრი გვაქვს. სკოლა წარმატებულია, როგორც მოსწავლეებით, ასევე მასწავლებლებითაც. სკოლის ყველა აბიტურიენტი სტუდენტი გახდა, რაც ჩვენი სკოლის პედაგოგთა მაღალკვალიფიციურობასა და პროფესიონალიზმზე მეტყველებს. ამის ნათელი მაგალითია სკოლის ლიდერი პედაგოგის - ნონა მაჭარაშვილის კიდევ ერთი წარმატება, მენტორის
სტატუსის მინიჭება. ქალბატონი ნონა გამოირჩევა თავისი პასუხისმგებლობითა და საქმისადმი სიყვარულით. ის ყველა ახალ გამოწვევას წარმატებით გვაძლევინებს.
ჩაის მეურნეობის საჯარო სკოლის დირექცია და პედაგოგიური კოლექტივი ვულოცავთ, ქალბატონ ნონას ახალ წელს და მენტორის სტატუსის მინიჭებას. ვუსურვებთ წარმატებას პროფესიულ და კარიერულ საქმიანობაში“,- აღნიშნავს პედაგოგი.
იხილეთ ფოტო:
