„მივცურავთ ციფრებისკენ“ - მაღლაკის N1 საჯარო სკოლაში საინტერესო მათემატიკური კონკურსი ჩატარდა
21-12-2023
წყალტუბოს მუნიციპალიტეტის სოფელ მაღლაკის N1 საჯარო სკოლაში სასწავლო წელი მრავალფეროვანი აქტივობებითაა დატვირთული, რომლებშიც მოსწავლეები დიდი ენთუზიაზმით ერთვებიან.
ამჯერად, სკოლის მე-7 კლასში, მათემატიკური კონკურსი „მივცურავთ ციფრებისკენ“ ჩატარდა, რომელსაც მათემატიკის მასწავლებელი გულნაზ ლექვინაძე ხელმძღვანელობდა. კონკურსში 16 მოსწავლე მონაწილეობდა, რომელთაგან მეორე ტურში 6 მოსწავლე გადავიდა.
მეორე ტურის შედეგების შეჯამების შემდეგ მოსწავლემ - ელენე კვერნაძემ გაიმარჯვა. მას მათემატიკაში წლის საუკეთესო მოსწავლის წოდება მიენიჭა და სიგელით, საჩუქრით დაჯილდოვდა.
აღსანიშნავია, რომ მსგავსი ღონისძიებები და აქტივობები მოსწავლეთა მოტივაციის ამაღლებას ხელს უწყობს.
იხილეთ ფოტოები:
სკოლების სიახლეები
