ნინოწმინდის N1 საჯარო სკოლაში სასწავლო წელი მრავალფეროვანი და საინტერესო აქტივობებითაა დატვირთული. მოსწავლეთა ჩართულობითა და პედაგოგთა ხელმძღვანელობით სკოლაში სხვადასხვა სახის ღონისძიება იმართება.
ამჯერად, მე-6 ა კლასში საინფორმაციო სახის ღონისძიება ჩატარდა. ღონისძიება გოჰარ ვარდანიანის ორგანიზებით გაიმართა და სამი ქვეყნის - საქართველოს, სომხეთისა და ამერიკის შეერთებული შტატების ეროვნულ სიმბოლოებს, დროშებს, გერბებს მიეძღვნა.
ღონისძიებაზე ბავშვებმა წარადგინეს ამ ქვეყნების სამზარეულო, ეროვნული სიმღერები და ცეკვები. მათ შესახებ საინტერესო ინფორმაციები მოიძიეს, კედლის გაზეთი შექმნეს და დრო ნაყოფიერად გაატარეს.
აქტივობა მოსწავლეთათვის საინტერესო, დასამახსოვრებელი და ინფორმაციული იყო.
აღსანიშნავია, რომ მსგავსი აქტივობები და ღონისძიებები მოსწავლეთა მრავალმხრივ განვითარებას უწყობს ხელს.
იხილეთ ფოტოები:
