ახალქალაქის N2 საჯარო სკოლაში პედაგოგთა ხელმძღვანელობითა და მოსწავლეთა ჩართულობით არაერთი საინტერესო აქტივობა ეწყობა.
ამჯერად, სკოლაში, ისტორიის მასწავლებელმა - არმენუი პაპოიანმა მოსწავლეებს საინტერესო შემაჯამებელი დავალება შესთავაზა. მან მე-7 ბ და მე-7 გ კლასელებს შორის კონკურსი ჩაატარა, რომლის თემა საქართველოს კუთხეების გაცნობა იყო. კონკურსზე მოსწავლეებმა შესაძლებლობები შესანიშნავად წარმოაჩინეს.
მე-7 ბ კლასმა კონკურსზე აჭარა წარადგინა მისი ტრადიციებითა და სამზარეულოთი, ხოლო მე-7გ კლასმა იბერია აირჩია.
ბავშვებმა საქართველოს კუთხეების შესახებ საინტერესო ინფორმაციები მოიძიეს, მათი მცხოვრებლების ადათ-წესებზე ისაუბრეს და დრო ნაყოფიერად გაატარეს.
აქტივობებში ისინი დიდი მონდომებით, ინტერესითა და ხალისით მონაწილეობდნენ.
აღსანიშნავია, რომ სკოლაში, მოსწავლეთა მრავალმხრივ განვითარებასა და მოტივაციის ამაღლებას მნიშვნელოვანი ყურადღება ექცევა.
იხილეთ ფოტოები:
