ხობის მუნიციპალიტეტის სოფელ შავღელეს საჯარო სკოლის მერვე კლასში საინტერესო კლასის საათი მოეწყო, რომელშიც მოსწავლეები დიდი ინტერესით ჩაერთნენ.
დამრიგებელმა მოსწავლეებს შესთავაზა დაესახელებინათ თემა, რომელზეც სურდათ საუბარი. კლასის საათი წარიმართა თემაზე - „სკოლა ტელეფონის გარეშე“.
მოსწავლეებმა დააფიქსირეს თავიანთი აზრი, მათთვის თემა ძალიან საინტერესო და მრავალმხრივ სასაუბრო აღმოჩნდა, შედეგად კი მე-8 კლასის დამრიგებელმა მოსწავლეთა აქტიურობით, მოამზადა პროექტი - „სკოლა ტელეფონის გარეშე“.
მოსწავლეებმა, წარადგინეს პლაკატები და საინტერესო პრეზენტაცია.
როგორც სკოლაში გვიყვებიან, პროექტის მიზანი მიღწეულია. მოსწავლეები აცნობიერებენ ტელეფონის გამოყენების უარყოფით და დადებით მხარეებს.
სკოლაში აღნიშნავენ, რომ მე-8 კლასის მოსწავლეები მივიდნენ დასკვნამდე - სკოლა ტელეფონის გარეშე უფრო ნაყოფიერ ცოდნას იძლევა.
„ტელეფონი ხელს უშლის მოსწავლეებს და ყურადღების გამფანტველია,“ - ამბობენ მოსწვალეები - ნინა, გოგა, მირანდა, კახა და დათო.
იხილეთ ფოტოები:
