ლანჩხუთის მუნიციპალიტეტის სოფელ ნიგვზიანის საჯარო სკოლაში ხელოვანი მოსწავლეები სწავლობენ, რომლებიც სხვადასხვა კულტურულ ღონისძიებებში არიან ჩართულნი.
სკოლაში წარმატებით ფუნქციონირებს სკოლის თეატრალური სტუდია „პინოქიო“.
თეატრალური სტუდიამ ლანჩხუთის კულტურის სახლში, გამართა საახალწლო წარმოდგენა - „დადუნასა და ბაბუნას საახალწლო თავგადასავალი“.
როგორც სკოლაში გვიყვებიან, მოსწავლეებმა სასკოლო საზოგადოებას არაჩვეულებრივი სანახაობა შესთავაზეს.
მაყურებლებს მათი მსახიობური ოსტატობა შეუმჩნეველი არ დარჩენია და სპექტაკლის დასრულებისას, დიდი თუ პატარა - ყველა, ერთნაირად გამოხატავდა აღფრთოვანებასა და კმაყოფილებას.
სპექტაკლი საქველმოქმედო სახისაა და ეძღვნება ლანჩხუთის მუნიციპალიტეტში, კერძოდ, სოფელ ნიგვზიანში ადაპტირებულ- მრავალფუნქციური სახელოვნებო სასწავლებლის გახსნას.
როგორც ამ ყველაფრის სულისჩამდგმელი, შორენა ფილიაკოვა აცხადებს, იდეა, გაიხნას ადაპტირებულ- მრავალფუნქციური სახელოვნებო სასწავლებელი, გაჩნდა ადგილობრივ თემში მცხოვრები სპეციალური საჭიროების მქონე მოსწავლეების მხარდასაჭერად. ვინაიდან მათი ზრდასრულობა და მომავალი ბუნდოვანია, გარკვეული პროფესიის ან ხელობის ცოდნის გარეშე.
იხილეთ ფოტოები:
