საჩხერის წმინდა ნინოს სახელობის საირხის მართლმადიდებლურმა გიმნაზიამ შთამბეჭდავი ღონისძიება მოაწყო.
ღონისძება, 15 დეკემბერს საჩხერის ობოლა ციმაკურიძის სახელობის კულტურის ცენტრში გაიმართა.
აღსანიშნავია, რომ შთამბეჭდავი წარმოდგენა, უწმინდესისა და უნეტარესის სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსის, ბიჭვინთისა და ცხუმ-აფხაზეთის მიტროპოლიტის ილია II-ის საიუბილეო 45/90 თარიღების მიეძღვნა.
მოსწავლეებმა, დამსწრე საზოგადოებას მრავალფეროვანი, თეატრალური წარმოდგენებით, მუსიკალური და ქორეოგრაფიული ნომრებით გაჯერებული სანახაობა შესთავაზეს და აუდიტორიის დიდი მოწონებაც დაიმსახურეს.
„დღე საოცარი და წარუშლელი“ - ასე შეაფასეს წარმოდგენა სკოლაში.
აღსანიშნავია, რომ ღონისძიების ორგანიზატორები, პედაგოგები: შორენა ჩინჩალაძე, ეკატერინე გიორგაძე და ნინო დარბაიძე გახლდათ.
იხილეთ ფოტოები და საპატრიარქოს ტელევიზიის „ერთსულოვნების“ სიუჟეტიდან ამონარიდი, სადაც ნაჩვენებია საჩხერის წმინდა ნინოს სახელობის საირხის მართლმადიდებლური გიმნაზიის მოსწავლეთა შთამბეჭდავი წარმოდგენა.
