14 დეკემბერს, საჩხერის მუნიციპალიტეტის სოფელ გორისის საჯარო სკოლაში ინტელექტუალური თამაში - „მოაზროვნე“ გაიმართა.
თამაშში ექვსი სკოლის - გორისის, საჩხერის N1, საჩხერის N3, ჭორვილის, არგვეთისა და კორბოულის N2 სკოლების მოსწავლეები მონაწილეობდნენ.
თამაშის მიმდინარეობისას ვიდეოჩანაწერის დახმარებით წინასწარ მომზადებულ კითხვებს სვამდნენ როგორც მოსწავლეები, ასევე ცნობილი ადამიანები: გიორგი კალანდია, თომა ჩაგელიშვილი, ცუცა კაპანაძე, ამავე სკოლის კურსდამთავრებილი, ილიას სახელმწიფო უნივერსიტეტის ლექტორი და ასოცირებული პროფესორი გიორგი ქემერტელიძე და ინტელექტუალური თამაშის - „რა? სად? როდის?“ გუნდის წევრი ლაშა სარალიძე.
სკოლაში მათ გაწეული დახმარებისთვის მადლობას უხდიან.
„მოსწავლეებმა გამოავლინეს აზროვნების მაღალი დონე. მოსწავლე- მასწავლებლებმა დადებითად შეაფასეს აღნიშნული ღონისძიება, გამოხატეს კმაყოფილება. მოაზროვნეებს მონაწილეობისათვის გადაეცათ სერტიფიკატები. ყველაზე მეტი ქულების მქონე გუნდს კი სერტიფიკატებთან ერთად მცირედი საჩუქრები“,- აღნიშნავენ სკოლაში.
აღსანიშნავია, რომ გორისის საჯარო სკოლაში მოსწვლეთა ინტელექტუალური და ანალიტიკური უნარების განვითარებას დიდი ყურადღება ექცევა, შესაბამისად პედაგოგები ახალგაზრდებს ამ მიმართულებით არაერთ ღონისძიებაში რთავენ.
იხილეთ ფოტოები:
