წალენჯიხის N2 საჯარო სკოლის პედაგოგმა - ნინო კალანდიამ ინგლისური ენის გაკვეთილი მოსწავლეთა კოსტიუმირებულ სანახაობად გადააქცია
13-12-2023
წალენჯიხის N2 საჯარო სკოლის მოსწავლეები ინგლისურ ენას საინტერესო და სახალისო აქტივობებით სწავლობენ.
ინგლისური ენის პედაგოგმა - ნინო კალანდიამ საკლასო აუდიტორია კოსტიუმირებულ სანახაობად გადააქცია.
„ყველა ვთანხმდებით, რომ უცხოური ენის შესწავლა საკმაოდ ხანგრძლივი და არცთუ იოლი პროცესია. სწავლების დროს მნიშვნელოვანია მოსწავლეთა მოტივირება. კვლევების თანახმად, დაწყებითი კლასების მოსწავლეებისთვის უცხოური ენის შესწავლის საუკეთესო მოტივაცია კლასში სახალისო ატმოსფეროს შექმნაა“,- აღნიშნავს პედაგოგი და მოსწავლეებს მრავალფეროვნებით ანებივრებს.
სწორედ ასეთი სახალისო ატმოსფერო სუფევდა მე-4ა და ბ კლასებში. მოსწავლეებმა, პროექტის ფარგლებში შექმნილი ხელნაკეთი წიგნები ორიგინალურად, საყვარელი ზღაპრის პერსონაჟების კოსტიუმებით წარადგინეს.
იხილეთ ფოტოები:
სკოლების სიახლეები
