ხელვაჩაურის მუნიციპალიტეტის სოფელ ზედა განთიადის საჯარო სკოლაში მნიშვნელოვანი შემეცნებითი შეხვედრა გაიმართა.
მოსწავლეებისთვის იურიდიული დახმარების სამსახურის უფროსმა - დავით სიმონიამ და სხვა წარმომადგენლებმა საგანმანათლებლო შეხვედრა ჩაატარეს.
როგორც სკოლაში გვიყვებიან, იურიდიული დახმარების სამსახურის დირექტორი, თავისი პროფესიონალ გუნდთან ერთად, სკოლისა და სამოქალაქო განათლების მასწავლებლის - ნინო დიასამიძის განხორციელებული პროექტის - „შშმ პირთა ინკლუზია“ ფარგლებში მიიწვიეს.
პარალეგალებმა სკოლის მოსწავლეებს გააცნეს შემდეგი თემები: ბავშვის უფლებები, ბულინგის სახეები, ინკლუზიური განათლების მნიშვნელობა და ქალთა უფლებები.
როგორც სკოლაში გვეუბნებიან, შეხვედრაზე ქალთა მიმართ ძალადობის წინააღმდეგ მიმართულ კვირეულთან დაკავშირებით, განსაკუთრებული ყურადღება გამახვილდა თემაზე - „ქალთა მიმართ ძალადობა".
მოსწავლეებმა მათთვის საინტერესო კითხვებზე ამომწურავი პასუხები მიიღეს. მათ დაურიგდათ საინფორმაციო ბუკლეტები.
„შეხვედრა ძალიან მნიშვნელოვანი იყო, რადგანაც ჩვენ მივიღეთ ამომწურავი, კომპეტენტური პასუხები ჩვენთვის საინტერესო კითხვებზე“,- აღნიშნავენ ბავშვები.
იხილეთ ფოტოები:
