ხელვაჩაურის მუნიციპალიტეტის სოფელ განთიადის საჯარო სკოლის მოსწავლეებისთვის იურიდიული დახმარების სამსახურის უფროსმა - დავით სიმონიამ და სხვა წარმომადგენლებმა საინტერესო საგანმანათლებლო შეხვედრა ჩაატარეს. 

საინფორმაციო შეხვედრა 4 დეკემბერს გაიმართა და მას სკოლის მოსწავლეები და მასწავლებლები ესწრებოდნენ. 

პარალეგალები მოსწავლეებს ესაუბრნენ შემდეგ თემებზე - ბავშვის უფლებები, ბულინგის სახეები, ინკლუზიური განათლების მნიშვნელობა და შეზღუდული შესაძლებლობების მქონე პირთა უფლებები.

მოსწავლეები შეხვედრის მიმდინარეობაში აქტიურად ჩაერთნენ და  სტუმრებისგან მათთვის საინტერესო კითხვებზე ამომწურავი პასუხები მიიღეს. 

პარალეგალებმა მოსწავლეებს გააცნეს იურიდიული დახმარების სამსახურის შესახებ დეტალური ინფორმაცია, სერვისები და მიმდინარე პროექტები.

ფოტო - იურიდიული დახმარების სამსახური / Legal Aid Service-ს facebook-ის გვერდი