ქარელის მუნიციპალიტეტის სოფელ ხეობის საჯარო სკოლის პედაგოგები მოსწავლეებს 21-ე საუკუნის უნარ-ჩვევების განვითარებაში ეხმარებიან და ამ მიმართულებით არაერთ ღონისძიებას სთავაზობენ.
მათ შორის, დაწყებითი კლასის მოსწავლეები, პედაგოგ მაკა მეტრეველის ხელმძღვანელობით, ხალისით შეუერთდნენ კომპიუტერული მეცნიერებების საგანმანათლებლო კვირეულს - HOUR OF CODE („კოდის ერთი საათი“). კვირეული 4-დან 10 დეკემბრის ჩათვლით, მსოფლიოს მასშტაბით მიმდინარეობდა.
კვირეულის მიზანია კომპიუტერული მეცნიერებების, პროგრამირების/კოდინგის პოპულარიზაცია ახალგაზრდებში და ინოვაციური განათლების ხელშეწყობა.
როგორც სკოლაში გვეუბნებიან, პროგრამირება მოსწავლეებში ავითარებს ლოგიკურ, ალგორითმულ, შემოქმედებით აზროვნებას და 21-ე საუკუნის უნარებს.
სკოლა უკვე მონიშნულია მსოფლიო რუკაზე, როგორც მსოფლიო ღონისძიების მონაწილე სკოლა.
იხილეთ ფოტოები:
