
ზუგდიდის მუნიციპალიტეტის სოფელ ალერტკარის საჯარო სკოლის მოსწავლეები სხვადასხვა, მათ შორის, სპორტულ აქტივობებშიც დიდი მონდომებით ერთვებიან.
ამჯერად, მოსწავლეები - ნინი ხუბულია (მეცხრე კლასი); დიმა კანკია (მაეთე კლასი); ილია ლაგვილავა (მეათე კლასი); გიორგი ჭურღულია (მეათე კლასი) და ლუკა ჭურღულია (მეთე კლასი) სასკოლო სპორტული ოლიმპიადა 2023-2024-ის ფარგლებში გამართულ მაგიდის ჩოგბურთის მუნიციპალურ თამაშები მონაწილეობდნენ.
აღსანიშნავია, რომ მასში ზუგდიდის მუნიციპალიტეტის 15 საჯარო სკოლის როგორც გოგონათა, ისე ვაჟთა გუნდები ჩაერთნენ. მათ ღირსეულად იასპარეზეს. ალერტკარის საჯარო სკოლის სპორტის მასწავლებლები: ნუკრი ბერიშვილი და მურთაზ ლაგვილავა არიან.
თამაშებში, ვაჟებს შორის პირველი ადგილი სწორედ ალერტკარის საჯარო სკოლამ მოიპოვა, ხოლო მეორე ადგილზე ჯიხაშკარის №2 საჯარო სკოლა გავიდა. გოგონებში პირველი ადგილი ურთის საჯარო სკოლის, ხოლო მეორე ადგილი - ზედაეწერის საჯარო სკოლის მოსწავლეებმა დაიკავეს.
იხილეთ ფოტოები: