ოტია იოსელიანის სახელობის წყალტუბოს N1 საჯარო სკოლაში სასწავლო წელი საინტერესო და მრავალფეროვანი აქტივობებითაა დატვირთული, რომლებშიც ბავშვები დიდი ხალისით ერთვებიან.

ამჯერად, სკოლაში, მათემატიკის კვირეული ჩატარდა. მის ფარგლებში, V^ა კლასში, პედაგოგ თ.ჭოლაძის ხელმძღვანელობით, თემაზე - „ნატურალური რიცხვები“ აქტივობა „მათემატიკური აუქციონი“ გაიმართა.

როგორც სკოლაში გვიყვებიან, მოსწავლეებმა კლასში ნატურალურ რიცხვებთან დაკავშირებით, თეორიული მასალით პაექრობა გამართეს. მათ პასუხი გასცეს ბლიც-კითხვებს, შეავსეს კროსვორდი, უპასუხეს ინდივიდუალურ კითხვებს.

აუქციონი მოსწავლეთა აქტიური ჩართულობით წარიმართა.

აქტივობის მეშვეობით მათ აჩვენეს, რომ იციან თეორიული მასალა და მისი გამოყენება პრაქტიკაშიც შეუძლიათ.

აღნიშნული კვირეულის ფარგლებში, კი VII ^ა კლასში, რომლის მათემატიკის პედაგოგი ნათელა ბაზაძეა, კლასის ხელმძღვანელი კი ფიქრია გიორხელიძე გახლავთ, თემაზე: „ტოლფერდა სამკუთხედი“ შემაჯამებელი გაკვეთილი ჩატარდა. 

აღნიშნულ დღეს, მოსწავლეებმა თემასთან დაკავშირებული თეორიული ცოდნის პრაქტიკაში გამოყენება შეძლეს. 

მათ ჯგუფურად იმუშავეს, გამოავლინეს თვითშეფასების, ურთიერთთანამშრომლობისა და კრიტიკული აზროვნების უნარები.

შემაჯამებელი გაკვეთილი საინტერესოდ, მოსწავლეთა აქტიური ჩართულობით წარიმართა.

აღსანიშნავია, რომ მსგავსი კვირეულები და გაკვეთილები მოსწავლეთა ცოდნის წარმოჩენისა და განვითარებას უწყობს ხელს.

იხილეთ ფოტოები: