„როგორ ჩავიხედოთ ნივთიერებების შიგნით და დავამზადოთ მრავალშრიანი კოქტეილი“ - პტენის საჯარო სკოლის მოსწავლეებმა საინტერესო პრეზენტაცია გამართეს
07-12-2023
ახალქალაქის მუნიციპალიტეტის სოფელ პტენის საჯარო სკოლაში სასწავლო წელი მრავალფეროვანი და საინტერესო აქტივობებითაა დატვირთული.
ამჯერად, სკოლის მე-7 კლასში, ფიზიკის გაკვეთილზე, თემაზე - „როგორ ჩავიხედოთ ნივთიერებების შიგნით და როგორ დავამზადოთ მრავალშრიანი კოქტეილი“ პრეზენტაცია ჩატარდა.
ბავშვებმა აღნიშნულ თემასთან დაკავშირებით საინტერესო ინფორმაციები მოიძიეს და ერთმანეთს ცოდნა გაუზიარეს. მოსწავლეებმა თემის ფარგლებში, სხვადასხვა აქტივობა შეასრულეს - ცდები ჩაატარეს და აჩვენეს, რომ თეორიული ცოდნის პრაქტიკაში გამოყენებაც შეუძლიათ.
ეს დღე მოსწავლეთათვის საინტერესო და დასამახსოვრებელი იყო.
აღსანიშნავია, რომ მსგავსი აქტივობები საგაკვეთილო პროცესში მოსწავლეთა ჩართულობის გაზრდას უწყობს ხელს.
იხილეთ ფოტოები:
სკოლების სიახლეები
