აკაკი ჩხენკელის სახელობის ქალაქ ხონის N2 საჯარო სკოლის მოსწავლეები პროექტებით ხალისით სწავლობენ. პროექტების მრავალფეროვნებაზე კი პედაგოგები ზრუნავენ, რაც მოსწავლეთა მოტივაციაზე აისახება.
ახლახან, ხონის N2 საჯარო სკოლის მე-9 კლასში, ქართულ ენასა და ლიტერატურაში, ილია ჭავჭავაძის მოთხრობის - „სარჩობელაზედ“ შესწავლის შემდეგ განხორციელდა პროექტი სახელწოდებით - „პასუხისმგებელია თუ არა საზოგადოება ცალკეული პიროვნების ჩამოყალიბებაზე“.
მოსწავლეებმა ისაუბრეს ილია ჭავჭავაძის ცხოვრებისა და მოღვაწეობის შესახებ. წარმოადგინეს პრეზენტაციები, ჩატარებული კვლევის შედეგები და შეიმუშავეს „მორალურ-ზნეობრივი კოდექსი“.
სასწავლო პროცესს მასწავლებელი ლეილა ჯიშკარიანი ხელმძღვანელობდა, რომელიც მოსწავლეებს მეტად საინტერესო აქტივობებსა თუ პროექტებს სთავაზობს.
იხილეთ ფოტოები:
