ქობულეთის მუნიციპალიტეტის სოფელ ლეღვას N1 საჯარო სკოლის მოსწავლეები სხვადასხვა საგანმანათლებლო ღონისძიებასა და კონკურსში აქტიურად არიან ჩართულნი და წარმატებასაც აღწევენ.
მათ შორისაა მე-12 კლასის მოსწავლე ვლადი ჯინჭარაძე, რომელმაც ინგლისური ენის ეროვნული ოლიმპიადის პირველ ტურში ბრწყინვალედ იასპარეზა და მაქსიმალური ქულა მოიპოვა.
პედაგოგები ვლადი ჯინჭარაძეს ახასიათებენ, როგორც შრომისმოყვარე, განვითარებაზე ორიენტირებულ მოსწავლეს, მისი წარმატება ახარებთ და ახალი მწვერვალების დაპყრობას უსურვებენ.
„ვლადი ბეჯითი, შრომისმოყვარე, მიზანდასახული, პასუხისმგებლიანი ახალგაზრდაა, ვულოცავთ და მომდევნო ტურში წარმატებებს ვუსურვებთ მას!“,- აღნიშნავენ სკოლაში.
ვლადი ჯინჭარაძის პედაგოგი გახლავთ ლიანა ევგენიძე, რომელიც მოსწავლის ინტერესებსა და ცოდნის გაღრმავებაზე აქტიურად ზრუნავს.
