საგარეჯოს მუნიციპალიტეტის სოფელ იორმუღანლოს საჯარო სკოლაში შთამბეჭდავი კონკურსი - „ცეკვავენ პატარა ვარსკვლავები“, გაიმართა. 

მოსწავლეები საგანგებოდ, მრავალფეროვან კოსტიუმებში გამოეწყვნენ და დამსწრე საზოგადოებას შთამბეჭდავი ქორეოგრაფიული ნომრები წარუდგინეს.  

საინტერესო კონკურსი პედაგოგების: ლალი ვაჭრიშვილისა და ხაჯა ნოვრუზოვას ინიციატივითა და დირექტორის - რიზვან უსუფოვის ხელშეწყობით, დაწყებითი სკოლის მოსწავლეებისთვის მოეწყო. 

სკოლაში მოსწავლეებს მადლობას უხდიან საოცარი სანახაობისთვის და თითოეულ მათგანს წარმატებასა და წინსვლას უსურვებენ. 

„მომავალში დიდ სცენაზე გვენახოს თითოეული მათგანი“, - ამ სურვილით კი, სასკოლო საზოგადოება „პატარა ვარსკვლავებს“ გზას დიდი სცენისკენ ულოცავენ.