„ვულოცავთ, ჩვენი სკოლის თითოეულ წევრს, მთელ სასკოლო საზოგადოებას - დირექციას, პედაგოგებს, ტექნიკურ პერსონალს, მოსწავლეებსა თუ მშობლებს. ეს ერთობლივი ძალისხმევის, ყოველდღიური შრომის, შემართების, გუნდურობისა და საქმისადმი მაღალი პასუხისმგებლობის არსებობის დამსახურებული შედეგია.
აღსანიშნავია, რომ სკოლამ ავტორიზაციის სტანდარტის შესაბამის ყველა კრიტერიუმს დადებითი შედეგით უპასუხა.

გვჯერა, ნიგვზიანის საჯარო სკოლა კიდევ ბევრ მნიშვნელოვან წარმატებას მიაღწევს, ჩვენს ღირსეულ მასწავლებლებსა და მოსწავლეებთან ერთად“,- ამბობენ სკოლაში. 

შეგახსენებთ, რომ ავტორიზაცია არის განათლების ხარისხის უზრუნველყოფის გარე მექანიზმი, რომლის მიზანია დაწესებულების ინსტიტუციური შეფასება, მისი ავტორიზაციის სტანდარტებთან შესაბამისობის დადგენა და შესაბამისი რეკომენდაციების გაცემა დაწესებულებაში დაიდენტიფიცირებული გამოწვევების გადასაჭრელად.