ხონის N2 სკოლის მოსწავლეთა ნამუშევარი საბავშვო ფილმების საერთაშორისო ფესტივალზე საუკეთესო დოკუმენტურ სურათად დასახელდა
04-12-2023
აკაკი ჩხენკელის სახელობის ქალაქ ხონის N2 საჯარო სკოლის მოსწავლეები, სასწავლო წლის განმავლობაში, საინტერესო პროექტებსა თუ ღონისძიებებში მონდომებით ერთვებიან.
ამჯერად, სკოლის მოსწავლეები - ნინი ჩიხლაძე, სანდრო კირთაძე, გიორგი მეძველია და ხელოვნების მასწავლებელი ია კინწურაშვილი, თბილისში გამართულ საბავშვო ფილმების რიგით მე-13 საერთაშორისო ფესტივალში - „ოქროს პეპელა“ მონაწილეობდნენ. ფესტივალი გამოჩენილი რეჟისორის - სერგო ფარაჯანოვის 100 წლის იუბილეს ეძღვნებოდა.
ფილმის შექმნის პროცესში მონაწილეობდნენ:
ამჯერად, სკოლის მოსწავლეები - ნინი ჩიხლაძე, სანდრო კირთაძე, გიორგი მეძველია და ხელოვნების მასწავლებელი ია კინწურაშვილი, თბილისში გამართულ საბავშვო ფილმების რიგით მე-13 საერთაშორისო ფესტივალში - „ოქროს პეპელა“ მონაწილეობდნენ. ფესტივალი გამოჩენილი რეჟისორის - სერგო ფარაჯანოვის 100 წლის იუბილეს ეძღვნებოდა.
სკოლა ფესტივალზე დოკუმენტური ფილმით - „ერთი კეცის ისტორია“ წარდგა. ფილმმა აღიარება მოიპოვა და საერთაშორისო ჟიურის სპეციალური დიპლომით და პრიზით - „ოქროს პეპელა“, როგორც საუკეთესო დოკუმენტური ფილმი, დაჯილდოვდა.
ფილმი ეძღვნება იშვიათ, მივიწყებულ პროფესიას საქართველოში - ერთადერთ ქვის კეცის ოსტატს იმერეთში - დავით ხაჭაპურიძეს.
ფილმის შემოქმედებითი ჯგუფი შემდეგია: ნინი ჩიხლაძე, ლიკა მანჯგალაძე, მარიამ წულაია, სანდრო კირთაძე, გიორგი მეძველია.
ფილმის შექმნის პროცესში მონაწილეობდნენ:
- იდეა, ტექნიკური მხარე - კომპიუტერული ტექნოლოგიების მასწავლებელი თამარ ჩხენკელი;
- მხარდაჭერა - ხელოვნების მასწავლებელი ია კინწურაშვილი;
- ტექსტის დამუშავება - ქართული ენის მასწავლებელი მარიამ მამაიაშვილი, ინგლისური ენის მასწავლებელი ალისა ჩარკვიანი;
- ტექსტს კითხულობს მარიამ წულაია;
- მძღოლი - ზაზა კუხალაშვილი.
„ფილმის შემოქმედებითმა ჯგუფმა დაუვიწყარი 3 დღე გაატარა კინოხელოვნების სამყაროში, დიდ მადლობას ვუხდით ფესტივალის ორგანიზატორებს ჩვენი შრომის დაფასებისთვის და მასპინძლობისთვის“,- აღნიშნავენ სკოლაში.
იხილეთ ფოტოები:
იხილეთ ფოტოები:
სკოლების სიახლეები
