ზუგდიდის მუნიციპალიტეტის სოფელ ალერტკარის საჯარო სკოლის მოსწავლეებისთვის სასწავლო-შემეცნებითი ექსკურსია მოეწყო.
II და IV კლასის მოსწავლეები დადიანების სასახლეს ესტუმრნენ. მოსწავლეები ასევე მონაწილეობდნენ დადიანების მუზეუმის საგანმანათლებლო პროგრამაში - „ოქროსფერი შემოდგომა“.
როგორც სკოლაში გვიყვებიან, პროგრამის ფარგლებში ისინი გაეცნენ, დადიანების მუზეუმის ისტორიას, დაათვალიერეს მუზეუმში გამოფენილი ექსპონატები. ასევე, დაესწრნენ საგანგებოდ მათთვის განკუთვნილ პრეზენტაციას თემაზე - „ოქროსფერი შემოდგომა“.
ბოლოს კი, მოსწავლეებმა, თავიანთი ხედვით, შექმნეს კომპოზიციები შემოდგომის მოტივებზე.
აღსანიშნავია, რომ გასვლით აქტივობას ორგანიზება გაუწიეს ბუნებისმეტყველების მასწავლებელმა, სოფიო დარსანიამ და შესაბამისი კლასების დამრიგებლებმა - ლალი ბარქაიამ და რადმილა აბსავამ.
იხილეთ ფოტოები:
