განძის N2 სკოლის მოსწავლეებმა შემოდგომას ღონისძიებით შეასხეს ხოტბა
04-12-2023
ნინოწმინდის მუნიციპალიტეტის სოფელ განძის N2 საჯარო სკოლის პირველკლასელები, შემოდგომას მრავალფეროვანი ღონისძიებით დაემშვიდობნენ.
მოსწავლეებმა, წელიწადის ოქროსფერი სეზონი ქართულის, როგორც მეორე ენის მასწავლებლის - კარინე ჰარუთიუნიანის ხელმძღვანელით, სადღესასწაულოდ გააცილეს.
მოსწავლეებმა მხატვრულად წაიკითხეს ლექსები, გაითამაშეს როლები, ქართული სიმღერითა და ცეკვით აღნიშნეს დალოცვილი შემოდგომის ბარაქა.
თემატურ კოსტიუმებში გამოწყობილი მოსწავლეები, შემოდგომის ნუგბარით გაფორმებული საკლასო ოთახი და ამაღლებული განწყობა - ასეთი გახლდათ საშემოდგომო დღესასწაული განძის N2 საჯარო სკოლაში.
იხილეთ ფოტო და ვიდეომასალა:
სკოლების სიახლეები
