წყალტუბოს მუნიციპალიტეტის სოფელ ქვილიშორის საჯარო სკოლის პედაგოგები მოსწავლეებს საგნობრივი დისციპლინების გარდა ადამიანის უფლებების პატივისცემას, მიმღებლობას, შემწყნარებლობას ასწავლიან და ღირსეულ მოქალაქეებად ზრდიან.
16 ნოემბერს, ტოლერანტობის საერთაშორისო დღესთან დაკავშირებით, მე-8 კლასში ჩატარდა კლასის საათი თემაზე - „მე ტოლერანტი ვარ“. აქტივობას კლასის ხელმძღვანელი ნინო ყურაშვილი ხელმძღვანელობდა.
„მრავალფეროვნების სამყაროში ტოლერანტობა მშვიდობის წინაპირობაა“,- აღნიშნეს ქვილიშორის საჯარო სკოლის მე-8 კლასის მოსწავლეებმა და ამ დღეს გამოეხმაურნენ.
როგორც სკოლაში გვიყვებიან, კლასის საათის მიზანი იყო ტოლერანტული უნარ-ჩვევების გამომუშავება. მოსწავლეთა ინფორმირებულობის გაზრდა, ცნობიერების ამაღლება, საკითხის გააზრება და ამ უნარ-ჩვევების პრაქტიკულად გამოყენება.
იხილეთ ფოტოები:
