ახალქალაქის მუნიციპალიტეტის სოფელ ბეჟანოს საჯარო სკოლაში ლიტერატურული ღონისძიება ჩატარდა.
პოეზიის საღამო ილია ჭავჭავაძისა და გალაკტიონ ტაბიძის შემოქმედებასა და მოღვაწეობას მიეძღვნა.
როგორც სკოლაში გვიყვებიან, ღონისძიებაში მონაწილეობის სურვილი მე-4, მე-5, მე-7, მე-8 კლასის მოსწავლეებმა გამოთქვეს. მათ მოტივაცია და აქტიურობა სკოლაში განსაკუთრებულად ახარებთ.
„ბავშვებმა ხალისითა და დიდი მონდომებით წაიკითხეს ლექსები. გავიხსენეთ ილია ჭავჭავაძისა და გალაკტიონ ტაბიძის ცხოვრება და მოღვაწეობა“, - გვიყვებიან სკოლაში.
გარდა ლიტერატურული ნაწილისა, ღონისძიება მოიცავდა ქორეოგრაფიულ და მუსიკალურ ნომრებს.
მოსწავლეებმა შეასრულეს ცეკვები - „სამაია“ და „აჭარული“, ასევე იმღერეს ქართული სიმღერები.
აღსანიშნავია, რომ სკოლაში არაერთი საინტერესო ღონისძიება იმართება, რაც მოსწავლეთა მრავალმხრივ განვითარებას ემსახურება.
იხილეთ ფოტოები:
