ბარათაულის საჯარო სკოლის პირველკლასელები ანბანს სახალისო და საინტერესო აქტივობებით სწავლობენ
28-11-2023
ამირან მამალაძის სახელობის შუახევის მუნიციპალიტეტის სოფელ ბარათაულის საჯარო სკოლის პირველკლასელებმა ანბანის სწავლა საზეიმოდ დაიწყეს.
სკოლაში, „ანბანის შებრძანებასთან“ დაკავშირებით საინტერესო, მრავალფეროვანი აქტივობებით გაჯერებული გაკვეთილი ჩატარდა, რომელშიც პირველკლასელები დიდი მონდომებით ჩაერთნენ.
ბავშვები პირველ ასო-ბგერებს დიდი ინტერესითა და ყურადღებით აკვირდებოდნენ, შემდგომ კი მათ მოხაზვასა და წაკითხვას თავადაც ცდილობდნენ.
გაკვეთილი საინტერესო, დასამახსოვრებელი და ინფორმაციული იყო.
აღსანიშნავია, რომ მსგავსი გაკვეთილები და აქტივობები მოსწავლეებს სწავლის მოტივაციას უმაღლებს.
იხილეთ ფოტო-ვიდეომასალა:
სკოლების სიახლეები
