ილია ჭავჭავაძის სახელობის ახალქალაქის N3 სკოლის მეშვიდე კლასის მოსწავლეებმა პეტრე ოცხელის შემოქმედებას ღონისძიება მიუძღვნეს
28-11-2023
ილია ჭავჭავაძის სახელობის ქალაქ ახალქალაქი N3 საჯარო სკოლის მეშვიდე კლასმა, ხელოვნების მასწავლებლის - გიორგი მეტრეველის ხელმძღვანელობით, საუცხოო წარმოდგენა გამართა.
ღონისძიება სახელწოდებით - „პეტრე ოცხელი - ბიჭი, რომელმაც დროს გაუსწრო“ ქართული თეატრის მხატვრის - პეტრე ოცხელის შემოქმედებას მიეძღვნა.
რეჟისურაზე მასწავლებელმა იმუშავა, წარმოდგენის ტექსტები კი თავად მოსწავლეებმა მოიფიქრეს.
ბავშვებმა მოიძიეს პეტრე ოცხელის შესახებ ინფორმაცია და ამ მასალებზე დაყრდნობით მოამზადეს პრეზენტაციები, ასევე დახატეს მისი შემოქმედებიდან ერთ-ერთი ყველაზე ცნობილი ნამუშევარი - „მფრინავი მღებავი“.
წარმოდგენამ დამსწრე საზოგადოების დიდი მოწონება დაიმსახურა.
იხილეთ ფოტოები:
სკოლების სიახლეები
