ვალის N4 საჯარო სკოლის მოსწავლეები კონკურსში წარმატებით მონაწილეობისთვის დაჯილდოვდნენ
28-11-2023
ახალციხის მუნიციპალიტეტის, ვალის N4 საჯარო სკოლის მოსწავლეები სხვადასხვა კონკურსში აქტიურად ერთვებიან, სადაც წარმატებას აღწევენ.
ამჯერად, ისინი გამომცემლობა Macmillan-ის ჰელოუინის დღესასწაულთან დაკავშირებით გამოცხადებულ კონკურსში მონაწილეობდნენ.
მე-5 კლასის მოსწავლეები ინგლისურის ენის მასწავლებლის - მარი ხითარიშვილის ორგანიზებით, კონკურსის ფარგლებში, მრავალფეროვან ღონისძიებებში ჩაერთნენ, განახორციელეს დაგეგმილი აქტივობები და სერტიფიკატები დაიმსახურეს.
აღსანიშნავია, რომ მათ სერტიფიკატებთან ერთად სამახსოვრო წიგნიც გადაეცათ.
სკოლაში მოსწავლე-მასწავლებლებს მომავალშიც წარმატებებს უსურვებენ.
აღსანიშნავია, რომ სასკოლო საზოგადოება მოსწავლეთა წარმატებას მუდამ მხარს უჭერს.
იხილეთ ფოტოები:
სკოლების სიახლეები
