განთიადის საჯარო სკოლის მე-5 კლასის მოსწავლეებმა ეკოლოგიურად სუფთა პლასტელინი დაამზადეს
ხელვაჩაურის მუნიციპალიტეტის სოფელ განთიადის საჯარო სკოლის პროფესიონალი მასწავლებლები მოსწავლეების განათლებასა და შემოქმედებითი უნარების გაუმჯობესებაზე აქტიურად ზრუნავენ.
ამჯერად, მეხუთე კლასის მოსწავლეებმა ეკოლოგიურად სუფთა პლასტელინი საკუთარი ხელით დაამზადეს. ისინი აქტივობაში დიდი ხალისით, მონდომებითა და ინტერესით ჩაერთნენ. აღსანიშნავია, რომ მოსწავლეები ეკოლოგიურად სუფთა საგნების მნიშვნელობას ნათლად აცნობიერებენ.
მოსწავლეებმა შემდეგ პლასტელინისგან არაჩვეულებრივი ნამუშევრები დაამზადეს, რისთვისაც სასკოლო საზოგადოების მოწონება დაიმსახურეს.
მათ ხელოვნების პედაგოგი - მზია ყურშუბაძე და დამრიგებელი - ნაზი ზურშუბაძე ყოველთვის საინტერესო აქტივობებს სთავაზობენ.
იხილეთ ფოტოები: