ზესტაფონის, ქართულ-ევროპული სკოლა „ორნატში“ წიგნიერ მოსწავლეებს ზრდიან. სკოლაში წარმატებით მუშაობს მკითხველთა კლუბი -„მომავლის ვარსკვლავები“, რომლის მიზანია მოსწავლეებში წიგნიერების დონის ამაღლება, კითხვისა და კრიტიკული აზროვნების, განსჯის, აზრის გამოთქმისა და დასაბუთების უნარ-ჩვევების განმტკიცება და მოსწავლის აქტიურ მკითხველად ჩამოყალიბება.
კლუბის წევრები კი ქართულ-ევროპული სკოლა „ორნატის“ მე-2 კლასის მოსწავლეები არიან, რომლებიც სხვადასხვა საგანმანათლებლო აქტივობაში არიან ჩართულნი.
ახლახან, მოსწავლეებმა წარმოადგინეს პრეზენტაცია წაკითხული მოთხრობის მიხედვით. აქტივობის თემა იყო - საბავშვო მწერლების შემოქმედების გაცნობა.
მოსწავლეებმა ნაწარმოებების დედა აზრზე, პერსონაჟებზე ისაუბრეს და თანაკლასელებს არგუმენტირებულად დაუსაბუთეს თუ რატომ უნდა წაიკითხონ მხატვრული ლიტერატურა.
კლუბის ხელმძღვანელი დაწყებითი კლასის მასწავლებელი ხათუნა ავალიანი გახლავთ.
იხილეთ ფოტოები:
