ეროვნულ სამოსში გამოწყობილი მოსწავლეები და დიდი ზეიმი წნორის N1 საჯარო სკოლაში
22-11-2023
სიღნაღის მუნიციპალიტეტის ქალაქ წნორის N1 საჯარო სკოლაში შთამბეჭდავი საშემოდგომო ღონისძიება გაიმართა.
მე-5ბ კლასის მოსწავლეებმა, სასკოლო საზოგადოებას დაუვიწყარი სანახაობა მოუწყვეს.
ბავშვებმა, მხატვრულად წაიკითხეს შემოდგომისადმი მიძღვნილი ლექსები, წარმოთქვეს სადღეგრძელო-სადიდებლები, იმღერეს და ნაციონალურ სამოსში გამოწყობილებმა ქორეოგრაფიული ნომრები შეასრულეს.
ღონისძიების ბოლოს კი, მშობლების დახმარებით ჩურჩხელებიც ამოავლეს.
„გვიანი შემოდგომის სასიამოვნო მზე უსხივოსნებდა პატარებს გაცისკროვნებულ სახეებს“, - ასე აფასებენ სკოლაში მოსწავლეთა შთამბეჭდავ ღონისძიებას.
იხილეთ ფოტოები:
სკოლების სიახლეები
