ხარაგაულის N2 საჯარო სკოლაში ტოლერანტობის საერთაშორისო დღე საინტერესოდ აღინიშნა
22-11-2023
ხარაგაულის N2 საჯარო სკოლაში დიდი ყურადღება ეთმობა მოსწავლეებში სამოქალაქო პასუხიმგებლობის გაღვივებასა და მაღალზნეობრივი კულტურის ჩამოყალიბებას.
სწორედ ამ მიზნით, სკოლა საინტერესო, შემოქმედებითი და შემეცნებითი აქტივობებით შეუერთდა ტოლერანტობის საერთაშორისო დღის აღნიშვნას.
მე-10 კლასის მოსწავლეებმა, დამრიგებლის - ნინო ჩერქეზიშვილისა და სამოქალაქო განათლების პედაგოგის - თამარ მაღლაფერიძის ხელმძღვანელობით, მრავალფეროვანი ნამუშევრები შექმნეს და აღნიშნულ თემასთან დაკავშირებით ცნობიერება აიმაღლეს.
მოსწავლეებმა კედლის გაზეთზე იმუშავეს, მოამზადეს პრეზენტაცია და მე-3 და მე-4 კლასის მოსწავლეებს წარუდგინეს.
აღსანიშნავია, რომ შეხვედრა კითხვა-პასუხის რეჟიმში წარიმართა, იყო საინტერესო, ინფორმაციული და პროდუქტიული.
იხილეთ ფოტოები:
სკოლების სიახლეები
