საგარეჯოს მუნიციპალიტეტის სოფელ პატარა ჩაილურის საჯარო სკოლის მოსწავლეები სხვადასხვა ინტელექტუალურ კონკურსსა თუ თამაშში აქტიურად ერთვებიან.
ამჯერად, სკოლის მოსწავლეებისგან დაკომპლექტებული გუნდი, საგარეჯოს მუნიციპალიტეტის თამარ ჯაბადარის სახელობის მოსწავლე-ახალგაზრდობის სახლში გამართულ მათემატიკურ კონკურსს შეუერდა და წარმატებით იასპარეზა.
კონკურსი სკოლებს შორის, გუნდურ პირველობაზე 10 ნოემბერს გაიმართა.
აღსანიშნავია, რომ კონკურსს ხელმძღვანელობდა მოსწავლე-ახალგაზრდობის სახლის მათემატიკის კლუბის ხელმძღვანელი - თამარ ქურხული.
კონკურსის მსვლელობას თვალს ადევნებდა კომპეტენტური ჟიური. კონკურსი 2 ეტაპად წარიმართა: გუნდური და კაპიტნების ტური.
კონკურსში, როგორც უკვე აღვნიშნეთ მონაწილეობდა საგარეჯოს მუნიციპალიტეტის სოფელ პატარა ჩაილურის საჯარო სკოლაც, რომელმაც II ადგილი დაიკავა როგორც გუნდურ, ასევე კაპიტნების ტურში.
იხილეთ ფოტოები:
