ხულოს მუნიციპალიტეტის სოფელ დიდაჭარის საჯარო სკოლაში სხვადასხვა საკითხთან დაკავშირებით მოსწავლეთა ცნობიერების ამაღლებას მნიშვნელოვანი ყურადღება ექცევა. სწორედ ამიტომ, პედაგოგების ხელმძღვანელობით ისინი საინტერესო პროექტებსა და აქტივობებში ერთვებიან.
ამჯერად, სკოლაში მე-8 კლასის მოსწავლეებმა, ინგლისური ენის მასწავლებლის - ნარგის წულუკიძის ხელმძღვანელობით, ბულინგის შესახებ პრეზენტაცია გამართეს. მერვეკლასელებმა მისი სახეებისა და შემთხვევების შესახებ ისაუბრეს, შექმნეს ინგლისურენოვანი პოსტერები, ასევე თემატური კედლის გაზეთი, რომელიც თვალსაჩინო ადგილას განათავსეს და პრეზენტაციის სახით წარადგინეს.
მათ აღნიშნული აქტივობით ბულინგი დაგმეს.
აღსანიშნავია, რომ მსგავსი აქტივობები მოსწავლეთა სამოქალაქო ცნობიერების ამაღლებასა და პიროვნულ განვითარებას უწყობს ხელს.
იხილეთ ფოტოები:
