ბოლნისის მუნიციპალიტეტის დაბა კაზრეთის N2 საჯარო სკოლის მოსწავლეები სხვადასხვა პროექტსა და პროგრამაში აქტიურად ერთვებიან, სადაც წარმატებას აღწევენ.

ერთ-ერთი ასეთი მოსწავლეა VIII ^გ კლასელი ანანო დემურაშვილი, რომელიც „ფაბლაბ ილიაუნის Python-ის“ საბაზისო კურსზე შეირჩა. 

როგორც სკოლაში გვიყვებიან, შესარჩევი ეტაპი საკმაოდ რთული აღმოჩნდა. განაცხადი ჯამურად 650 მოსწავლემ შეავსო, მერვეკლასელი ანანო დემურაშვილი კი, საუკეთესო მონაწილეთა შორის მოხვდა.

სასკოლო საზოგადოება მოსწავლეს მიღწეულ წარმატებას ულოცავს და წინსვლას უსურვებს.

„კიდევ ერთხელ ვულოცავთ ანანოს წარმატებას. ანანო, გვიყვარხარ და გვეამაყები!“, - აღნიშნავენ სკოლაში.

Python-ის უფასო ონლაინ კურსებს სკოლის მოსწავლეებისთვის ილიას სახელმწიფო უნივერსიტეტის ტექნოლოგიური მეწარმეობისა და ინოვაციების განვითარების ცენტრი ფაბლაბი ახორციელებს.